يوم الغدير من كتاباتي

عاين للقصيدة ولا تروح بعيد

القصيدة البيدي هاي تريد منواهة

مو غايتهة صفكة واهلية تريد

تريد الزلمة ذاك الفهم معنـاهة

القصيدة البييهة حيدر سلسة مثل الماي

والمــــابيهة حيدر واكفة الكاهة

اجة يوم الغدير وحرت شنهو شصار

جا شنهو الجرة وشعكس مجراهة

مو حج النبي وصـــــانة بالقران

وبــالعترة الشريفة كلهة وصاهة

من سوالة منبر من سـروج الخيل

ولـم لناس كلهة بصـوتة ناداهة

من كنت مـولاه ودلة بيــدة الناس

شــال يدة النبي وللناس راواهة

حيدر هذا حيدر موش ياهو الجان

جبال بعزم جـفة بضربة ساواهة

حيدر بـاب خيبر منة صاح الغوث

كـبعهة الزلـم نـسوان ســــــواهة

حيدر بالحرب معروف ما ينشاف

بـس انصـــوص بالكيعان تلكاهة

والمالاحة حيدر ما يعوفة الموت

ضــربة حيدرة العباس ادهـــة

شال سيف حيدر بس اظن موسيف

أيــــد اللة ولــــي الله شـــــالاهة

ربك كـــال اقســــــط انا بالميزان

وضـــــربة حيدر الميزان خلاهة

من فاتة فرض ردتلة شمسك هاي

كـلــلـهة ارجــعي بجـفة رداهة

حيدر بيــدة ذل فـقـار بـــس بتار

بـــــس فـقــارة لـلايتام رباهـة

حيدر هذا حيدر مـنزلة هـارون

بـي وصة النبي والناس حاجاهة

انا كلي العلم والمرتضى المفتاح

بــــاب العلم حيدر كلهة دلاهـــــة

السفينة البيهة حيدر ترسي بالجنات

والــتنــكر علي بالنـــار مرساهـة

تــــدخل للجنان ونـــــاكر الكرار

حــط( ما )للصدر وكتبهة وقراهة