الرئيسية
من طرف {{ الومضــــــــــــــات }}
(@) (@) (@) (@) (@)
# تالي الليل أكلهم باجر أنساك
أفز من غبشة الله وأحجي بس بيك
بغيرك فكرت كلت بلكي أنساك
طلع غيرك يشبهك فكرت بيك
# تعال بكل وكت تلكاني موجود بس كونك تجي موما تجيني واذا ماجيتن هم تنحسب جاي
لأن موجود إنت إبطن عيني
#شلونكم وشلون لون المستحه البعيونكم
مثل الاول لو خبط مايه وتبدل لونكم
آنه اشوف الشمس تطلع مرتين
مره من حظن السمه ومره منشوف عيونكم
#صديقه شلون اكدر أرهم وياج
وانت شلون احسنج صديقه
واهم من كل الوجوه العاشت وياي
بس وجهج احسنه الحقيقه
تمربيه الدقايق جنهن سنين
وهسه سنين تنقاس بدقيقه
حديقه الدنيه صح بس انت الورود
وبلايه ورود ماتسوه الحديقه،
.
#كلبي على العشك مارهم بيه مفتاح
مفتاحك عليه أشلون رهمته
مجنون اليحبلك لوكفر بهواك
لوحبك نبي هم جان كفرته
#لاتطالبني بأمر بيه معجزات
لأن ماعندي كلب يتعذرك
تريد مني اتذكرك؟شي مستحيل
غير كون انساك حتى اتذكرك.
#ليش ماكلتي من الاول ابتعد وانساني
وليش ماكلتي من الاول لاتدك بيباني
وليش من بعد الحنين وقصه كتبتهه السنين
جايه تكوليلي انسه في حياتي شخص ثاني.
#من شفتك حبيبي ارتجت عضاي
ومدري شوكع مني ابكد حنيني
دخلت البيت دايخ راسي مسطور
دك الباب واحد جاب عيني.
#موكلمن نزف يسمه مجروح الجرح مو بشكثر ذب دم قياسه
اليلكه بجرحه دم صدكني يرتاح
والمايلكه دم جرحه بحساسه
أقبل اي جرح بس جرح الأحساس
يضل ينزف عمر لو ببشر جاسه
ميضوج الورد لو داسته الناس بس ايضوج اذا فلاحه داسه
# ناذر للوطن عمري وانا الممنون
وأبيع الروح بأرخص لو نزل سوكه
طابوكه أشتريت وماأخذت دبدوب
خفت يوم الوطن يحتاج طابوكه
#وآنه مغمض كتبت اسمج عالاوراق
وكتبت ابصفهه ماحبج اكرهج
فتحت اعيوني اسمج شفته موجود
ولكيت ابصفهه ماكرهج احبج.
#وين ماروحن اشوفنك خيال:ويادرب امشيه احسك بالدرب:كون تلم وبكبر كلبي تصير:حته اذب كلبي وحطنك كلب:
#عندك نوريشبه نورالهلال...
يعني إنت كمرو هلال تنقاس.
إصعد فوك بيتك باجر وشوف..
اذامو عكب باجرتفطر الناس¡
#أكص الساني خاطرما احاجيك
وكولن ينتهي البينك وبيني
لكيت ابواب عيني تسولف وياك
يعني شلون اكص لسان عيني
#شتصور عليك ازعل
وسد باب الكلب وارحل؟!
وتصور تجيني بحب
واكلك روح ما اقبل؟!
وانته بلا ميانه مرخص أعله الروح
تطعني واطيح اكبالك اتوسل !؟
#يا انا واحبك يلي بيه تعيش ويلي بروح وحده انشم هوانا مرات اناتيهك واختلف مرات واتيه بينك انت وبيني انا
#شاورت الحزن لويبتعد بس يوم
وترجيته ويغيري يبدل النيه
رفض شفت الحزن يبتعد مارات
لان شفت الحزن متعود عليه
#الواحد فرد مايقبل التقسيم
بس انه انقسم وبدونك اتعدد
اتقسم ابدونك وانجمع وياك
لان كلي ويكلك بيك يتوحد
#عندي فد شي أرد اكوله وخاف أكلك مني تزعل، انت بس انت الاوده من الطفوله وكلبي مايلفضهه يخجل، منين انت وياعشيره وياحموله وليش تجبرني ولك للموت اسأل، عفيه روحي الحبتك كلش خجوله وعفيه كلبي من الزغر بهواك يسحل،لاوحكك بيك اشارك بالبطوله وأخذ بحبك جداره وأطلع اول.
#أحبك حدكطع نفسي وأغار عليك، وأخاف تمر عليك ايام تنساني، ولوأدري بوفائك يختلف يازين، بس شوف القلق لاوين وداني، ياأول صديق وآخرالاحباب، وياأول جدم علدرب مشاني،ولومريت مره وماألحك بيك، ابوس تراب جدمك لو تعداني
#ماريدن اهل ولمت بعد صحبان يلعينك اهل ورموشك اصحابي. لوواحد يضدك انه اذبحه بساع واطرف واصير بحبك ارهابي
#يالدربك جمر والخطر بيك يحيط
سحكت النار لجلك وانه متحفي
حسبتك توافي وطفي بيه النار
ونار البيه تلهب تركض أطفي
رديت الجميل شلون رديت
من يهفت الجمر بجفوفك تهفي
#أصفن ياوطن مو خاف بيك ذنوب،وأخذ كلشي التريده وأنطي كفاره،أبنك من يبيعك هذا مومعقول،لو ابنك نغل لو صابتك شاره.
#الحب والجنون..كانا صديقين قديمين..نشبت بينهمامعركه..خرج منها الحب بفقدان بصره..
فأصبح الحب أعمى..
أجتمعا للمحاكمه.. وبعدالتحقيق...قرروا معاقبة الجنون..بأن يقود الحب مدى الحياه..
#امرار ايام عمري وكلهن اكصار
وسنين اتمر عليه اشماتمر كلفه
صاحبني الجرح وانه بربيع اصباي
وكبرجرحي وي كبري ومابطل نزفه
بسفينه عوز مبحر والبحر غطاس
مامره بحياتي اتناوشت جرفه
رضيت بهذاكله وماكلت محتاج
العراقي يموت عنده ولايمد جفه
#آنه شلون بيه وحرت وياي، وبجت وياي عيني بدم عليه، أخذني وياك مني وكلشي ماريد، اذا سافرت وحدك شلي بيه،
#أنت أول وثاني وثالث و
رابع
وأنت أول عشك وسط الكلب طابع
أعت كلبي الغيرك مايكوم أوياي أومن يسمع أباسمك حالآ أيطاوع
وذا روحي تحس وبنيتي أتعناك تطلع من جسدها أوتسكن الشارع
#آنه ماشم ألهوى انت هواي:ومن اشمك حيل احس بيك الهوى:وشفافي من تعطش ولايرويهاماي:انت ماي وشخصي من عندك روى:وآنه حتى الشمس مارايدهه هاي:اعيونك مضويات شللي بهل ضوى:
#بسك ياكلب لاترتجي الطيبات وبيع الباع بيك وقرر تعوفه وحمل جويتك والصار جن ماصار والماقدرك لاتقدر اضروفه ولنته كبال عيني ولنته عني بعيد وأتعذر وكل لعيوني ماشوفه ونته بداخلي وعايش نفس وياي وكتابك قريته وحافض احروفه لاتجبرني اجرحك وانجرح بجفاك انه ملوع زماني ودارس ادروبه
#تمرجحي بروحي حديقه يلوكلج بيه الدلال،تمرجحي بعود الكرنفل والله بصراوي الشتال،لنتي سمره ولنتي بيضه ولنتي لون البرتقال،ولنتي ريحة هيل طيب ولنتي تفاح الشمال،شماأريد ابعد وسافر عيونج تكلي تعال،هواي بالروح السوالف بس اريد اسأل سؤال،عمي كاع البصره ملحه منين الج هذا الجمال.
#جرحي بيت،وآخي باب،اوجه شايل من ملامح عمري بس طعم العذاب،وخد عليه دموع حزني مطرزات،وخضر بروحي العطش بالوحشه ناب، لاتحاسبني اذا طال الغياب، ولاتعاتبني وتحط فوك الجرح ملح العتاب،جان كل الماي بيدي،بس جفيت الماي من شفت السراب.
#جنت محتاج شوفك من جنت ماشوف،وردتك عون اليه بوكت عازه،كزازه انت واظمك بين العيون،وياعين التغمظ علكزازه.
#حبيت العراق وماأحب ثاني
يضل هو حبيبي ويبقى عنواني
حبيتك واريدك من كلب ولسان
خاف اغلط باسمك وكطع ألساني
#درس المدرسه يشبهك احسن بيه،واحس اثنيكم تمشون بجروحي،ذاك اول درس علمني كلمة دار،وانت اول درس دليتني بروحي.
#دوس اعله الورد كام الورد ينداس،
بس عطر الورد ماتكدر تدوسه
يصح واحد جريمه اعله الوجه ينباس
اواحد عالرجل يستاهل تبوسه.
*أتوقع يجي فد يوم أنساك بس أتمنى أموت ولا يجيني اعرفك مو إلي بس كلبي يهواك
لان أنت الوحيد المالي عيني
*إمتانيتك الروح وكاضه الباب
وكلبي إباب بيتك ظل يتانيك
شنو عذرك بعد ماتندل البيت
كلبي إوياك يتمشه ويدليك.
*كلش دخت بيك منين مخلوق. أذا من طين أشكن كلش بهاي.كلها بماي تنظف تسبح الناس.ومن إيلوح جسمك يسبح الماي.
*كلش موطبيعي ودخت كلش بيك
وداخت من حجيت إوياك كلماتي
بحلاتك سيد وينكالك مولاي
ومن كد ما حلو كتلك يمولاتي
شفتك غوشت عيني وكمت ماشوف
درت وجهي صفح شافتك ذاناتي
*مابدلك لأن ربك أمرني
إذا يخلقلي ثاني يجوز أبدلك
وأذا بدلتك آنه إفترض فد يوم
هم أكره بديلك حتى أردلك.
*مثل لهفة سجين يتاني الافراج
عليك انه صرت صدكني ملهوف
واذا كتلك احبك انه غلطان
لان حتى الاحبك ناقصه احروف
*مالحت وحدك سمه وجبت النجم
جنت صاعد انت فوك متوني
جايني اتداعيني هسه اعله الدموع
وانت كل دموعك من عيوني
(@) (@) (@) (@) (@)
# تالي الليل أكلهم باجر أنساك
أفز من غبشة الله وأحجي بس بيك
بغيرك فكرت كلت بلكي أنساك
طلع غيرك يشبهك فكرت بيك
# تعال بكل وكت تلكاني موجود بس كونك تجي موما تجيني واذا ماجيتن هم تنحسب جاي
لأن موجود إنت إبطن عيني
#شلونكم وشلون لون المستحه البعيونكم
مثل الاول لو خبط مايه وتبدل لونكم
آنه اشوف الشمس تطلع مرتين
مره من حظن السمه ومره منشوف عيونكم
#صديقه شلون اكدر أرهم وياج
وانت شلون احسنج صديقه
واهم من كل الوجوه العاشت وياي
بس وجهج احسنه الحقيقه
تمربيه الدقايق جنهن سنين
وهسه سنين تنقاس بدقيقه
حديقه الدنيه صح بس انت الورود
وبلايه ورود ماتسوه الحديقه،
.
#كلبي على العشك مارهم بيه مفتاح
مفتاحك عليه أشلون رهمته
مجنون اليحبلك لوكفر بهواك
لوحبك نبي هم جان كفرته
#لاتطالبني بأمر بيه معجزات
لأن ماعندي كلب يتعذرك
تريد مني اتذكرك؟شي مستحيل
غير كون انساك حتى اتذكرك.
#ليش ماكلتي من الاول ابتعد وانساني
وليش ماكلتي من الاول لاتدك بيباني
وليش من بعد الحنين وقصه كتبتهه السنين
جايه تكوليلي انسه في حياتي شخص ثاني.
#من شفتك حبيبي ارتجت عضاي
ومدري شوكع مني ابكد حنيني
دخلت البيت دايخ راسي مسطور
دك الباب واحد جاب عيني.
#موكلمن نزف يسمه مجروح الجرح مو بشكثر ذب دم قياسه
اليلكه بجرحه دم صدكني يرتاح
والمايلكه دم جرحه بحساسه
أقبل اي جرح بس جرح الأحساس
يضل ينزف عمر لو ببشر جاسه
ميضوج الورد لو داسته الناس بس ايضوج اذا فلاحه داسه
# ناذر للوطن عمري وانا الممنون
وأبيع الروح بأرخص لو نزل سوكه
طابوكه أشتريت وماأخذت دبدوب
خفت يوم الوطن يحتاج طابوكه
#وآنه مغمض كتبت اسمج عالاوراق
وكتبت ابصفهه ماحبج اكرهج
فتحت اعيوني اسمج شفته موجود
ولكيت ابصفهه ماكرهج احبج.
#وين ماروحن اشوفنك خيال:ويادرب امشيه احسك بالدرب:كون تلم وبكبر كلبي تصير:حته اذب كلبي وحطنك كلب:
#عندك نوريشبه نورالهلال...
يعني إنت كمرو هلال تنقاس.
إصعد فوك بيتك باجر وشوف..
اذامو عكب باجرتفطر الناس¡
#أكص الساني خاطرما احاجيك
وكولن ينتهي البينك وبيني
لكيت ابواب عيني تسولف وياك
يعني شلون اكص لسان عيني
#شتصور عليك ازعل
وسد باب الكلب وارحل؟!
وتصور تجيني بحب
واكلك روح ما اقبل؟!
وانته بلا ميانه مرخص أعله الروح
تطعني واطيح اكبالك اتوسل !؟
#يا انا واحبك يلي بيه تعيش ويلي بروح وحده انشم هوانا مرات اناتيهك واختلف مرات واتيه بينك انت وبيني انا
#شاورت الحزن لويبتعد بس يوم
وترجيته ويغيري يبدل النيه
رفض شفت الحزن يبتعد مارات
لان شفت الحزن متعود عليه
#الواحد فرد مايقبل التقسيم
بس انه انقسم وبدونك اتعدد
اتقسم ابدونك وانجمع وياك
لان كلي ويكلك بيك يتوحد
#عندي فد شي أرد اكوله وخاف أكلك مني تزعل، انت بس انت الاوده من الطفوله وكلبي مايلفضهه يخجل، منين انت وياعشيره وياحموله وليش تجبرني ولك للموت اسأل، عفيه روحي الحبتك كلش خجوله وعفيه كلبي من الزغر بهواك يسحل،لاوحكك بيك اشارك بالبطوله وأخذ بحبك جداره وأطلع اول.
#أحبك حدكطع نفسي وأغار عليك، وأخاف تمر عليك ايام تنساني، ولوأدري بوفائك يختلف يازين، بس شوف القلق لاوين وداني، ياأول صديق وآخرالاحباب، وياأول جدم علدرب مشاني،ولومريت مره وماألحك بيك، ابوس تراب جدمك لو تعداني
#ماريدن اهل ولمت بعد صحبان يلعينك اهل ورموشك اصحابي. لوواحد يضدك انه اذبحه بساع واطرف واصير بحبك ارهابي
#يالدربك جمر والخطر بيك يحيط
سحكت النار لجلك وانه متحفي
حسبتك توافي وطفي بيه النار
ونار البيه تلهب تركض أطفي
رديت الجميل شلون رديت
من يهفت الجمر بجفوفك تهفي
#أصفن ياوطن مو خاف بيك ذنوب،وأخذ كلشي التريده وأنطي كفاره،أبنك من يبيعك هذا مومعقول،لو ابنك نغل لو صابتك شاره.
#الحب والجنون..كانا صديقين قديمين..نشبت بينهمامعركه..خرج منها الحب بفقدان بصره..
فأصبح الحب أعمى..
أجتمعا للمحاكمه.. وبعدالتحقيق...قرروا معاقبة الجنون..بأن يقود الحب مدى الحياه..
#امرار ايام عمري وكلهن اكصار
وسنين اتمر عليه اشماتمر كلفه
صاحبني الجرح وانه بربيع اصباي
وكبرجرحي وي كبري ومابطل نزفه
بسفينه عوز مبحر والبحر غطاس
مامره بحياتي اتناوشت جرفه
رضيت بهذاكله وماكلت محتاج
العراقي يموت عنده ولايمد جفه
#آنه شلون بيه وحرت وياي، وبجت وياي عيني بدم عليه، أخذني وياك مني وكلشي ماريد، اذا سافرت وحدك شلي بيه،
#أنت أول وثاني وثالث و
رابع
وأنت أول عشك وسط الكلب طابع
أعت كلبي الغيرك مايكوم أوياي أومن يسمع أباسمك حالآ أيطاوع
وذا روحي تحس وبنيتي أتعناك تطلع من جسدها أوتسكن الشارع
#آنه ماشم ألهوى انت هواي:ومن اشمك حيل احس بيك الهوى:وشفافي من تعطش ولايرويهاماي:انت ماي وشخصي من عندك روى:وآنه حتى الشمس مارايدهه هاي:اعيونك مضويات شللي بهل ضوى:
#بسك ياكلب لاترتجي الطيبات وبيع الباع بيك وقرر تعوفه وحمل جويتك والصار جن ماصار والماقدرك لاتقدر اضروفه ولنته كبال عيني ولنته عني بعيد وأتعذر وكل لعيوني ماشوفه ونته بداخلي وعايش نفس وياي وكتابك قريته وحافض احروفه لاتجبرني اجرحك وانجرح بجفاك انه ملوع زماني ودارس ادروبه
#تمرجحي بروحي حديقه يلوكلج بيه الدلال،تمرجحي بعود الكرنفل والله بصراوي الشتال،لنتي سمره ولنتي بيضه ولنتي لون البرتقال،ولنتي ريحة هيل طيب ولنتي تفاح الشمال،شماأريد ابعد وسافر عيونج تكلي تعال،هواي بالروح السوالف بس اريد اسأل سؤال،عمي كاع البصره ملحه منين الج هذا الجمال.
#جرحي بيت،وآخي باب،اوجه شايل من ملامح عمري بس طعم العذاب،وخد عليه دموع حزني مطرزات،وخضر بروحي العطش بالوحشه ناب، لاتحاسبني اذا طال الغياب، ولاتعاتبني وتحط فوك الجرح ملح العتاب،جان كل الماي بيدي،بس جفيت الماي من شفت السراب.
#جنت محتاج شوفك من جنت ماشوف،وردتك عون اليه بوكت عازه،كزازه انت واظمك بين العيون،وياعين التغمظ علكزازه.
#حبيت العراق وماأحب ثاني
يضل هو حبيبي ويبقى عنواني
حبيتك واريدك من كلب ولسان
خاف اغلط باسمك وكطع ألساني
#درس المدرسه يشبهك احسن بيه،واحس اثنيكم تمشون بجروحي،ذاك اول درس علمني كلمة دار،وانت اول درس دليتني بروحي.
#دوس اعله الورد كام الورد ينداس،
بس عطر الورد ماتكدر تدوسه
يصح واحد جريمه اعله الوجه ينباس
اواحد عالرجل يستاهل تبوسه.
*أتوقع يجي فد يوم أنساك بس أتمنى أموت ولا يجيني اعرفك مو إلي بس كلبي يهواك
لان أنت الوحيد المالي عيني
*إمتانيتك الروح وكاضه الباب
وكلبي إباب بيتك ظل يتانيك
شنو عذرك بعد ماتندل البيت
كلبي إوياك يتمشه ويدليك.
*كلش دخت بيك منين مخلوق. أذا من طين أشكن كلش بهاي.كلها بماي تنظف تسبح الناس.ومن إيلوح جسمك يسبح الماي.
*كلش موطبيعي ودخت كلش بيك
وداخت من حجيت إوياك كلماتي
بحلاتك سيد وينكالك مولاي
ومن كد ما حلو كتلك يمولاتي
شفتك غوشت عيني وكمت ماشوف
درت وجهي صفح شافتك ذاناتي
*مابدلك لأن ربك أمرني
إذا يخلقلي ثاني يجوز أبدلك
وأذا بدلتك آنه إفترض فد يوم
هم أكره بديلك حتى أردلك.
*مثل لهفة سجين يتاني الافراج
عليك انه صرت صدكني ملهوف
واذا كتلك احبك انه غلطان
لان حتى الاحبك ناقصه احروف
*مالحت وحدك سمه وجبت النجم
جنت صاعد انت فوك متوني
جايني اتداعيني هسه اعله الدموع
وانت كل دموعك من عيوني
» نتائج الصف السادس الادبي 2012_2013 الكرخ
» حصريا النجم العراقي حسام الرسام بعنوان بوسة بثواني 2013 بدون حقوق
» حصريا وجديد الفنانة والنجمة ديانا حداد بعنوان ( الكــذاب )
» حصريا اغنيه بستايل جديد للفنان سيف عامر بعنوان من اجاني 2014
» قفشات شعرية 2013
» جديد الفنان وليد الشامي ( مالك امل ) 2013 روعة كلش بدون حقوق
» حصريا اغنيه دانيال الاحساس 2013 بدون حقوق